Bein útsending verður af málþingi um Hekluskóga 16. apríl frá 11-16 á vefslóðinni:  http://www.hitbox.tv/landgraedslan

Hér að neðan má sjá titla á þeim fróðlegu erindum sem verða á dagskrá málþings um Hekluskóga 16. apríl 2015. Hægt er að smella á myndina til að fá hana í betri upplausn.

Hægt verður að fylgjast með málþinginu á vefnum á slóðinni:  http://www.hitbox.tv/landgraedslan

Athugið breytta tímasetningu á málþinginu. Það hefst kl. 11:00 og stendur til kl. 16:00. Boðið verður upp á súpu og brauð í hádeginu. Skráning á ráðstefnuna fer fram í tölvupósti til Eddu Linn Rise á netfangið eddalinn@land.is. Þátttakendur eru beðnir að skrá sig sem fyrst.

Fyrir rúmum tveimur árum birtist grein nokkurra vísindamanna, þeirra Olafs Arnalds, Elínar Fjólu Þórarinsdóttur, Jóhanns Þórsson, Pavla Dagsson Waldhauserova og Önnu Mariu Ágústsdóttur sem fjallaði um mælingar á öskufoki á Skógaheiði í kjölfar eldgossins í Eyjafjallajökli. Greinina má finna hér: http://www.nature.com/srep/2013/130213/srep01257/full/srep01257.html. Fjallað var um greinina og niðurstöður hennar í Fréttablaðinu http://www.visir.is/maeldu-staersta-sandstorm-a-jordinni-uppi-a-skogaheidi/article/2015150218880 og á vef Landgræðslu ríkisins http://land.is/allar-frettir/313-maeldu-staersta-sandstorm-a-joerdhinni-uppi-a-skogaheidhi og á vef Skógræktar ríkisins http://www.skogur.is/um-skograekt-rikisins/frettir/nr/2426. Eins og fram kom í greininni fýkur aska gjarnan þar sem gróður er lítill t.d. á beitilöndum á Skógaheiðinni og skemmir hún þann litla gróður sem fyrir er. Þetta gerist ekki þar sem gróður er mikill og skógur hylur land. Það kom glögglega í ljós í gosinu í Eyjafjallajökli að aska úr Eyjafjallajökli gerði ekki skaða á skóginum og gróðri í Þórsmörk og Goðalandi. Var askan beinlínis til gagns þar sem ýmis næringarefni bárust inn í vistkerfið og gróska í ýmsum gróðri jókst mikið. Líklega hafði svartur litur öskunnar góð áhrif þar sem jarðvegur hitnaði og rotnun á laufi og gróðri sem lenti undir ösku jókst og skilaði þannig næringarefnum til gróðurs. Hekluskógar eru einmitt að vinna að því verkefni að koma upp skógi í nágrenni Heklu eins virkasta eldfjalls á Íslandi, enda er ljóst að aska úr eldfjallinu mun valda skemmdum falli hún á gróðurlítil lönd, en jafnljóst að skógar þola öskuna ágætlega og hún mun ekki fjúka í skjóli skóganna.

Skógar Þórsmerkur huldir ösku í maí 2010 ljósm. Hreinn Óskarsson

Þessa dagana eru vetrarstillur í Hekluskógum og töluvert frost. Birkitré eru orðin áberandi víða um svæðið og sjást enn betur þegar snjór hylur jörðu. Meðfylgjandi mynd er tekin í landi Landgræðslu ríkisins rétt ofan Gunnarsholts, nánar tiltekið í landi Brekkna á Rangárvöllum. Þar hafa leigjendur sumarhúsalóða gróðursett mikið af birkiplöntum á síðustu árum. Er sú vinna farin að skila fallegum skjólskógi þar sem áður var sandorpið hraun og sandfok algengt. Hekla trónir í baksýn Hekluskóganna.